අමුතුම සින්දුවක්...ඉකිගසා හඬන (ගායන ශිල්පී අමරසිරි පීරිස් )

අමරසිරි පීරිස් මහතා

වැඩ ගොඩකට පස්සේ බ්ලොග් එක පැත්තට අවේ සැහෙන කාලෙකින්...යාලුවෝ ගොඩ දෙනෙක් ප්‍රතිචාර දක්වල තිබුනා...හැමෝටම ගොඩක් ස්තුතියි...
                                                අද මම කියන්න හිතුව ඔයාල ගොඩක් ආස කරන ගායකයෙක් ගැන. ඒ තමයි අමරසිරි පීරිස් මහත්මයා...එතුමා  මුලින්ම ගායකයෙක් නෙවෙයි. ගායන හැකියාව තිබුනට අහම්බෙන් වගේ ගායන ක්ෂේත්‍රයට පැමිණිය පුද්ගලයෙක්.එතුමා ප්‍රේමසිරි කේමදාස මහත්මයාගේ වාද්‍ය වෘන්දයේ වයලීන් වාදකයෙක් විදියට තමා හිටියේ..මේක එක දවසක වුන රසවත් කතාවක්.මේක වෙලා තියෙන්නේ ළඳුනේ ගීතය පටිගත කරන්න තිබුන දවසේ...අහල ඇති කට්ටියත් ඇති.දන්නේ නැති අය අහගන්නකෝ.කේමදාස මාස්ටර් කියන්නේ බොහොම විනය ගරුක තරමක් තද ගති පැවතුම් තියන වෙලාවටම වැඩ  කරන පුද්ගලයෙක් නේ.ඉතින් ඔය කියන දවසේ ඒ සින්දුව පටිගත කරන්න සේරම වැඩ කටයුතු සූදානම්..නමුත් එක පුද්ගලයෙක් අරෙන්න.ඒ තමා ගායකයා.ඒ වෙන කව්රුත් නෙවෙයි.අපේ රටේ ඉන්න මහා ඝන්දර්වයා විශාරද පණ්ඩිත අමරදේවයන්.  නමුත් එතුමා එනතුරු කල්  ගත කිරීමට අකමැති වුන කේමදාස මාස්ටර් අමරසිරි පීරිස් නම් වූ වයලීන් වාදකයට(එකල) එම ගීතය ගයන කරන්නට ඇරයුම් කරනවා.එතනින් තමා අමරසිරි පීරිස්  නම්වූ වයලීන් වදන ශිල්පියා ගායකයෙකු වෙන්නේ.
                                                                                       මේ විදියට තමන් ගැයූ පළමු ගීතයෙන්ම අතිශය ජනප්‍රියත්වයට පත්වුන මෙතුමා අද වන විට ගීත රාශියක්ම අප හට දායාද කරලා තියනවා.ඒ හැම ගීතයක්ම වගේ කොච්චර ඇහුවත් එපා වෙන්නේ නැති අලංකාර ගීත බවට පත්වෙලා තියනවා.ගොඩක්ම එතුමා ගායනා කරලා තියෙන්නේ සම්භාව්‍ය ගීත තමයි.අද වෙනකොට ගොඩක්ම තරුණ පරපුර එතුමාගේ ගීත වලට ඇලුම් කරනවා.මේ වගේ ගායකයෙක් ඉන්න එක අපේ රටට  විශාල ආඩම්බරයක්....ඔයාලට මෙතුමා ගැන වැඩිදුර තොරතුරු දැනගන්න අවශ්‍ය නම් පහතින් දක්වා ඇති ලින්ක් එක මගින් හොයාගන්න පුළුවන්.


අමරසිරි පීරිස් මහතා ගැන....

ඉන්දියානු සම්භාව්‍ය සංගීතය...